Гвинет Палтроу е вистински лидер на листата на најомразени славни ѕвезди, како кај публиката, така и меѓу нејзините колеги.
Гвинет и Винона Рајдер беа блиски другарки, се додека Гвинет не го пронашла сценариото за „Вљубениот Шекспир“ кај Винона и потоа направила се за таа да ја добие улогата. Трудот се исплатил, бидејќи Гвинет доби Оскар за оваа улога, а Рајдер оттогаш ѝ нема прозборено.
Наводно, скарана е и со Кејт Мос, откако Гвинет ја навредила, а манекенката и вратила дака што ѝ фрлила порција помфрит со сос во лице. Откако Мадона отвори студио за фитнес, истото го направила и Гвинет, правејќи конкуренција од пријателството.
Во однос на љубовните испади, постојат озборувања дека додека била во врска со Бред Пит спиела со британскиот глумец Џон Хан, а потоа и дека го изневерувала Бен Афлек со Виго Мортенсен. Се зборувало и дека е во тајна врска со сопругот на топ-моделот Ел Мекферсон.
Омразата ја навлече и со неколку неумесни изјави во врска со здравата исхрана и животните навики, дека не им дозволува на децата да јадат супа од кесичка, ниту пак леб и ориз.
Во 2012 на нејзиниот профил на Твитер се појави твит со реченицата „Црнчугите навистина се во Париз“. Подоцна се оправда дека твитот го напишала за време на настап на Канје Вест и Џеј Зи и дека е само насловот на нивната песна.
И покрај сите скандали, таа уште е актуелна и привлекува внимание, било да е со појавата, навиките или пак, изјавите за јавноста.
