Пејачката Емина Јаховиќ со години живее во Турција, а по разводот од турскиот пејач Мустафа Сандал се преселила во луксузен стан на една од најубавите локации во Истанбул.
Ентериерот на нејзиниот дом е уреден така што совршено ги спојува естетиката и здравиот начин на живот. Во станот има и приватна теретана, која за Емина е особено важна бидејќи редовно тренира.
Пејачката своевремено открила што било пресудно при изборот и уредувањето на нејзиниот животен простор.
„Погледот кон Босфор многу ме смирува и токму тоа беше еден од клучните фактори при изборот на домот. Сакам минимализам со доза елеганција. Ми се допаѓа комбинацијата на мермер и дрво, како и спојот на старото и новото. Секогаш работам со архитект кој ја следи мојата визија и стилот во кој се чувствувам добро“, изјавила Емина.
Иако станот изобилува со луксузни детали, дневната соба и останатите простории се уредени пред сè функционално, поради нејзините синови, на кои удобноста им е најважна.
„Тие се момчиња и најважно им е сè да биде практично, па не се мешаат многу во уредувањето. Единствениот проблем е што играјќи фудбал во домот повеќепати скршија предмети што ми беа многу драги и кои ги носев од различни делови на светот. Од мали ги учев да го почитуваат просторот во кој живеат и тоа навистина го практикуваат. Почнаа да ми пречат непотребните работи, па многу нешта подарив. Колку помалку, толку подобро“, раскажала пејачката.
Посебно внимание привлекува и бањата во нејзиниот дом, која неодамна ја покажа на социјалните мрежи. Комбинацијата од мермер, мозаик и сребрени детали создава елегантен и префинет простор што наликува на страница од луксузен каталог за уредување на домови.
