Музичарот Горан Бреговиќ и неговата сопруга, манекенката Џенана, имаат три ќерки Ема, Лула и Уна, а ниту една од нив не тргна по патот на своите родители.
Сепак, уметноста им е во гените. Имено, најстарата ќерка Ема е родена во Париз во 1994 година, а во една прилика истакнала колку го сака својот роден град исто како и Белград.
– За мене животот на две адреси е неопходна стимулација. Кога останувам предолго на едно место, мозокот ми се забавува и потешко наоѓам инспирација. Чувствувам голема слобода во тоа што никаде не пуштам корен, како слободен атом – рекла Ема во интервју за „Хелоу“.
Ема завршила музичко-балетско училиште, свири на пијано, но никогаш не помислила да оди во таа насока.
– Моите родители секогаш ме поддржуваа во моите одлуки, иако мислам дека ништо од она што сакав за нив не беше изненадувачки – искрено рекла Ема.
Иако е ориентирана кон современата уметност, таа исто така сака да сочува од заборав и некои стари вештини. Стекнувајќи нови знаења и искуства, Ема посетувала работилници на машинобравари и е одлична во ракувањето со алатките потребни за таа професија.
Ема Бреговиќ еднаш доживеала многу непријатна ситуација и за малку ќе останала без рака.
– Додека студирав на Факултетот за ликовни уметности, доживеав многу драматична несреќа кога метален струг ми го повлече ракавот. За малку ќе ја изгубев раката. Денес не работам сама, опкружена сум со професионални луѓе. Имам уште многу да научам, а стругот засега го гледам оддалеку – признала тогаш Ема Бреговиќ.
