Водителката Бојана Јанковиќ (поранешна Николиќ), која се прослави како водителка на култната емисија на српската телевизија Пинк „Град“, е пронајдена мртва во стан во Белград, пренесуваат српските медиуми.
Бојана во јули 2022 стави точка на бракот со музичарот Огњен Јанковиќ, режисер и фронтмен на групата Белградски синдикат. Тој потоа влезе во врска со глумицата Милена Радуловиќ.
По разводот, останаа во добри односи и заедно се грижеа за нивните две деца. Музичарот го напушти станот во кој живееја, но секој слободен момент го користеше да биде заедно со децата. И Бојана и Милена биле во одлични односи, а глумицата одлично ја прифатиле нејзините ќерки.
Јавното обвинителство во Белград наредило обдукција за да се дознае причината за смртта. Не биле најдени видливи траги на насилство.
Неофицијално, Брзата помош во околу 19 часот констатирала смрт на Бојана.
