Само неколку дена по објавувањето на трите нови песни, Теодора Џехверовиќ е главна тема на социјалните мрежи. Наместо за музиката, овојпат се зборува за наводните сличности меѓу нејзините нови видеоспотови и проекти на светски музички ѕвезди.
Најмногу реакции предизвика еден кадар во кој Теодора се појавува на врвот на зграда, опкружена со светлосни блицеви и градска панорама во позадина.
Дел од корисниците на социјалните мрежи веднаш направија споредби со култниот спот за песната „Crazy in Love“ на Beyoncé.
Дополнителни коментари предизвика и стајлингот на пејачката, за кој многумина сметаат дека потсетува на изгледот што Бијонсе го носеше во споменатиот спот.
Но, критиките не застанаа тука. Некои фанови забележаа и сличности меѓу песната „Дежа ву“ и истоимениот грчки хит што го изведуваат Лила и Рак.
На социјалните мрежи се појавија бројни коментари:
„Таман сакав да го пофалам ЕП-то, а потоа ископира еден од најиконичните моменти во музичките спотови.“
„Речиси секој нејзин спот е копија на нешто од странство.“
„Не знам дали е до неа или до тимот што работи со неа.“
Ова не е првпат Теодора Џехверовиќ да биде обвинета за копирање. Во изминатите години често беше споредувана со светски музички ѕвезди поради одредени сценски настапи, визуелни решенија и модни комбинации.
