На социјалните мрежи се појави видео кое за кратко време стана вирално – во главни улоги: Јелена Карлеуша и Маја Беровиќ. Двете се враќале во Белград со ист лет од Црна Гора, каде што пејачките го поминале викендот – една на одмор, другата на настап.
Сведоци велат дека Беровиќ, штом ја здогледала Карлеуша, почнала да се оддалечува, но подоцна, како што тврдат, буквално ја следела на аеродромот и дури и по пистата, додека Јелена се фотографирала за Инстаграм. Видеото од тој момент стана хит на „Икс“, а коментарите не престануваат – особено поради тоа што Маја имала речиси иста фризура како Карлеуша. На многумина тоа им личело на обид за имитација.
ЈК, како и секогаш, не остана должна. Во свој стил напиша: „Од ‘Атеље Траг’ од Маја не остана ни траг. Можеше да ме замоли за слика – фанови и клонови не одбивам. А не вака, да се шета зад грб како надуен петл и да ја снимаат зад мене!“.
A mogla je lepo da pita da se slikam sa njom, ja fanove ne odbijam. A ni klonove. Ne ovako da se šunja iza ledja kao puvanjak i tera Zoku5 da je snima blizu mene https://t.co/6qDE6r6wiE
— Jelena Karleuša (@karlinbich) July 7, 2025
Иако меѓу нив нема директен конфликт, Карлеуша не ја крие својата аверзија кон Беровиќ поради нејзиното блиско пријателство со Светлана Цеца Ражнатовиќ, за која поп-дивата тврди дека нанела многу зло на неа и нејзиното семејство. Според Карлеуша, секој што е во добри односи со нејзините непријатели, станува и нејзина мета.
– Кога некој свесно избира такво друштво, покажува каков е и самиот – порача таа.
