Рекламата за брендот за „Skims“ од познатата Ким Кардашијан стана вирална, но не поради добар глас, туку поради тоа што луѓето мислат дека нејзиниот струк бил едитиран за да изгледа помал.
Во рекламата Ким се движи со прстот по контурите на своето тело и се задржува неколку секунди обрнувајќи посебно внимание на долната облека „Skims Fits Everybody“. За разлика од видеото на „ТикТок“ кое стана вирално, а набргу беше избришено и повлечено од сите социјални мрежи, беше очигледно дека рекламата била планирана да се објави во јавноста без едитирање, пишува „Page Six“.
View this post on Instagram
„Рекламата за „Skims“, објавена минатата недела со цел да ја претстави колекцијата „Fits Everybody“, првично имаше грешка, но истата беше резултат на тоа што видеото при прикачувањето изгуби од својот квалитет. Штом тимот го забележа видеото, истото беше избришано и беше објавена новата верзија со подобар квалитет. Се извинуваме за предизвиканата непријатност на Ким и муштериите“, изјави претставник на „Skims“ во понеделникот.
Неименуван извор за „Page Six“, изјави дека 40-годишната Ким Кардашијан била посебно упорна и барала ниеден дел од нејзиното тело да не биде дигитално уредуван и фотошопиран. Истиот извор исто така прецизирал дека грешката во прикачување на видеото го предизвикала тој впечаток дека телото на Ким е едитирано.
