Хрватските претставници на овогодинешниот Евросонг на тиркизниот тепих Лет 3 се појавија во уникатни стајлинзи и ги воодушевија фановите, пишува Индекс.хр
Лет 3 ги соблекоа костимите на тиркизниот тепих и останаа во суќњи под кои носеа бела долна облека и кошули. На главите имаа капи кои се дел од сценскиот настап на Евровизија, а беа и нашминкани.
Иако најавија дека во Ливерпул ќе пристигнат со златен трактор, ќе мораат без него бидејќи, како што откри Мрле на својот Инстаграм, „тракторот е заглавен во метаверс поради Брегзит“. За Лет 3 и уште 36 претставници денеска официјално започна Евросонгот со изведбата на хитот „Come Together“ на Битлси, а сите претставници се потрудија да се истакнат на ова прво претставување пред публиката на тој музички натпревар.
i will miss let 3 after eurovision. most iconic act from croatia ever pic.twitter.com/aTlszVef25
— 🥊🏆 (@eurovisionratio) May 7, 2023
