Хрватскиот виолончелист Стјепан Хаусер повторно успеа да го привлече вниманието на јавноста. Тој објави видео со италијанската виолончелистка Џулија, каде што заедно свират и танцуваат во друштво на своите миленици – кучињата. Хаусер е облечен во жолта кошула и црни панталони, но публиката најмногу го забележа фактот дека и овој пат е бос. Шегата дека тој секогаш настапува без обувки одамна е омилена меѓу обожавателите.
„Прекрасни сте, прекрасни ви се кучињата“, „Убав пар сте“, „Симпатични сте, ама нека ти купи некој чевли“ – се дел од коментарите под видеото. Под снимката, Хаузер напиша „Време за семејство“.
View this post on Instagram
Дуото „2Челос“ стана светска сензација во 2011 година, откако нивната обработка на „Smooth Criminal“ стана вирален хит на Јутјуб, со повеќе од три милиони прегледи во првите две недели и речиси 43 милиони прегледи до април 2021 година. Стјепан Хаузер и Лука Шулич заедно патуваа низ светот и настапуваа на најголемите сцени.
Наскоро Хаусер откри дека со колегата Лука и понатаму е во контакт.
„Лука и јас постигнавме огромни работи заедно, но со текот на времето нашите желби и патишта се променија. Среќен сум за сè што направивме, но и за тоа каде сме сега. Често со радост се сеќавам на нашите настапи и на сè што постигнавме. Тоа беше едно неверојатно патување полно со енергија“, изјави тој за „Стори“.
Веќе подолго време се шпекулира за неговата врска со Марија Весо.
„Разбирам дека медиумите и луѓето се љубопитни, но својот приватен живот сакам да го задржам за себе“, истакна Хаузер и додаде дека во моментов кариерата му е на прво место.
