Македонскиот пејач Ѓоко Таневски неодамна гостуваше во емисијата „Нешто конкретно“, кој е авторски проект на водителката Снеже Велков.
Меѓу другото, пејачот проговори за емотивната ситуација во неговото семејство, односно дека ја пронашол неговата родена сестра по 45 години.
„Ја пронајде сестра ти после многу години…“, го започна разговорот Велков.
„Да, после 45 години. Родена сестра од мајка и татко“, одговори пејачот.
Водителката го праша дали знаел дека таа постои.
„Па, некое време не знаев. Отпосле дознав. Првично не можевме да ја најдеме, па ја најдов. И така, сега живемее како никогаш да не сме биле разделени“, објасни Таневски.
На прашањето што му промени тоа во животот, тој одговори: „Сега дознав дека фамилијата ми е најважна. Дознав колку е важно да имаш некого за кого ќе се бориш. Сега имам уште еден член за кого сакам да се борам. И не само сестра, туку имам и внуци. Не знам, се збогативме…“.
View this post on Instagram
