Доналд Трамп и официјално стана 47. претседател на Соединетите Американски Држави, а по давањето заклетва следуваше и инаугуративниот бал во конгресениот центар „Волтер Е. Вашингтон“, каде танцуваше со првата дама Меланија Трамп.
Старо-новиот претседател се појави на сцената во црн смокинг и пеперушка, а неговата сопруга блесна во црно-бел фустан со потпис на Ерве Пјер, дизајнерот кој ѝ го направи фустанот и за минатиот инаугуративен бал.
Двојката заигра на американската патриотска песна „Battle Hymn of the Republic“, а потоа се развеселија и со брзата „YMCA“.
„Нема поголема привилегија во животот од тоа да служам како ваш врховен командант. Не еднаш, туку двапати“, рече Трамп пред толпата.
