Телото на аудиовизуелните медиуми на Албанија (АМА) ја предупреди Албанската државна радио-телевизија, за емитувањето на песните на српската пејачка Цеца, која е исто така позната како поранешна сопруга на Аркан.
Цеца, според АМА, неколку пати била дел од антиалбанските гласини за Косово, додавајќи дека нејзините поранешни песни и изјави биле инспиративни за злосторствата во Босна и Косово, пренесува ГазетаМапо.
АМА истакнува дека Албанската радио-телевизија треба да служи преку програмата за малцинставата, за пријателство и солидарност меѓу народите и културите и не треба да промовира личности кои го прават спротивното.
„Во саботата, на каналот на Албанската Радио-телевизија 2 за време на емитувањето на музика на јазикот на малцинствата, беа емитувани песни на српската пејачка Цеца, која неколку пати им се приклучи на антиалбанските гласини за Косово. До Телото за аудиовизуелни медиуми биле упатени голем број жалби поврзани со оваа емитување, а по проценката на случајот, Албанската радио-телевизија беше предупредена за да се избегнат таквите случаи кои создаваат негативна чувствителност кај тие што ги следат програмите на јавниот радиодифузен сервис”, се вели меѓудругото во реакцијата на АМА, пренесува ГазетаМапо.
