Полицијата потврди дека по шест дена потрага пронајдено е телото на 33-годишната глумица Наја Ривера. Телото било извадено вчера од езерото Пир.
На јавноста и се обрати полицаецот Ерик Бушо, кој ги потврди лошите вести.
„Областа беше тешка за истрага. Не знам на која длабочина ја нашле, подоцна ќе имам повеќе детали. Оваа вест нè погоди сите. Наша работа е да ги спасуваме луѓето и тешко е за сите што работеа на случајот“, рекол Бушо.
Наја Ривера позната по улогата во серијата „Glee“, исчезна во средата попладне на езерото Пир во Јужна Калифорнија. Полицијата започна потрага по глумицата, откако го пронајдоа нејзиниот 4-годишен син Хозе Холис Дорси сам на бродот. Момчето и кажало на полицијата дека мајка му скокнала и веќе не се вратила.
