Пејачката Марија Шерифовиќ во далечната 2014 година ја објави својата книга „Исповед“, во која го опиша своето детство, музичките почетоци, љубовните врски и победата на Евровизија.
Марија во книгата тогаш откри многу работи од својот живот, а меѓу другото сподели со фановите дека никогаш не размислувала да биде со жена, но дека едноставно ѝ се случило.
Како што понатаму наведува, нејзината мајка, Верица Шерифовиќ, доживеала слом кога ѝ признала дека е наклонета кон истиот пол и не сакала да зборува со неа целиот месец.
– Добро се сеќавам, ѝ реков: „Госпоѓо, сè што се сомневаш дека го правам, навистина го правам и те молам престани да ме следиш, испрашуваш и слично“. Ме гледаше во неверување. Солзите ѝ потекоа и полека се лизгаа по образите. Тоа за неа беше голем удар бидејќи знаеше дека претходно имав момчиња во Крагуевац и уште некои врски во Белград. Толку беше шокирана што речиси еден месец воопшто не сакаше да разговара со мене – напиша Марија во книгата.
