Српската пејачка Теа Таировиќ се расплака во емисија кога го виде изненадувањето што ѝ го приреди водителот Огњен Амиџиќ.
Имено, за време на емисијата „Амиџи шоу“, Амиџиќ ѝ пушти емотивни видеопораки од мајката на пејачката, Божица Малевиќ, таткото Зоран Таировиќ, како и на најблиските луѓе и соработници кои ѝ испратиле поддршка пред големите концерти.
„Моја среќо, едвај ги чекам 21 и 22 септември, твоите два концерта во белградска арена. Едвај ја чекам магијата, со која ти и твојот тим ќе нè маѓепсате од сцената. А она што ќе биде мојот најголем успех и најголема награда е твојата радост и твојата насмевка. Мама те сака повеќе од сè на светот“, рече Божица Малевиќ во емотивното обраќање, додека Теа, видно трогната, едвај ги задржа солзите.
„Теа, концертот ќе биде прекрасен, убав и сончев исто како овој ден на море. Те сака тато“, ѝ рекол Зоран Таировиќ.
