Извршниот директор и претприемач на „Амазон“ – Џеф Безос и основачот на „Тесла“ и „Спејс Екс“ – Елон Маск со години се борат за врвот на богатството, а овој понеделник Елон Маск стана третата личност во историјата која вреди повеќе од 200 милијарди долари според „Форбс“.
Последниве години, тие двајца беа ривали на два фронта: во нето вредност и вселенска амбиција. Маск вредеше 24,6 милијарди долари во март 2020 година, речиси 90 милијарди долари помалку од Безос во тоа време.
View this post on Instagram
Во август 2020 година, Безос стана првата личност вредна 200 милијарди долари, бидејќи акциите на „Амазон“ скокнаа. Но, извонредниот раст на акциите на Тесла (раст од 720% во 2020 година) му помогна на Маск да го достигне и за кратко стана најбогатата личност во светот во јануари 2021 година.
Тие двајца оваа година се менуваа неколку пати на позицијата најбогат човек во светот. Според проценката на „Форбс“, Елон Маск денес е најбогатиот човек во светот, со проценети 200,7 милијарди долари. Безос е втор најбогат, со проценка од 192,5 милијарди долари.
Елон Маск упати голема провокација до Џеф Безос, велејќи дека ќе му испрати сребрен медал и џиновска статуа во форма на бројот два, а Безос одби да ја коментира провокацијата на Маск.
