Ѕвездите на новиот филм „Мачки“ морале да докажат кој најдобро се снаоѓа во својата улога.
А тоа значело дека Тејлор Свифт со своите колеги морала да клекне на колена и да пие млеко од садот ставен на подот.
За тоа време Џејсон Деруло морал да изврши мала нужда во кутијата за мачки.
Глумците морале да поминат низ отворот за мачки на вратата, да го „бркаат“ светлото од ласерот и да грицкаат џиновска играчка глушец.
Ова „мачешко натпреварување“ го организирал Џејмс Корден, кој е еден од глумците во филмот. Сето ова го направил за глумците што подобро да се подготват за своите улоги, а режисерот на филмот, Том Хупер направил работилница во која учествувале глумците од филмот.
Сите носеле костими и мачешки уши за што подобро да навлезат во улогата.
