Пејачот Павле Камилоски и планинарката Ирина Дишовска му направија голема роденденска забава на синот Јосиф, кој вчера (18 јуни) го прослави првиот роденден.
Тие се одлучија за тематска забава, инспирирана од долгометражниот анимиран филм „Кралот лав“, која ја направија во еден познат скопски ресторан. Целиот простор бил декориран со мотиви на џунглата, плишани лавови, украси со ликот на Симба и многу балони.
Среќните родители споделија повеќе видеа и фотографии од прославата и ја пренесоа велата атмосфера и дружењето со гостите.
Ирина објави и фотографии од својот сопруг и синот, а притоа напиша и емотивна порака.
„Со погледот ни црташ насмевка. Ти си утрото што го чекам. Ти си сонцето што ми свети и ме грее во денот.
Ноќта што ја чувам себично од другите, во ситните саати додека те гледам како спиеш. Кротко јагне мое.
Не можев да замислам какво е чувството да сакаш човечко битие кое е пола ти, пола твојата најголема љубов. И тогаш се роди ти.
Нашиот Јосиф. Мојата снага и најголема слабост. Најсреќен роденден! Те сакам,“ напиша таа.
