Приказната за Натали Вуд и нејзината прерана смрт веројатно е една од најраширените мистерии во Холивуд. До денес не е разрешено дали станува збор за несреќен случај или за убиство, а главен осомничен е нејзиниот сопруг Ричард Вагнер.
Натали се удавила откако паднала од јахтата на која вечерта се забавувала со Вагнер и со глумецот Кристофер Волкен. На нејзиното тело биле најдени чудни повреди за кои некои веруваат дека ѝ ги нанел сопругот при расправија, и дека потоа ја фрлил во морето.
Натали цел живот панично се плашела од вода. Познато е дека имала неверојатен страв од вода, кој ѝ го всадила мајка ѝ, откако гатачка ѝ предвидела смрт со давење.
Моќниот мотив на Роберт Вагнер била љубомората, која секогаш била проблем во нивниот брак. Натали двапати се мажела за осум години постариот глумец, а поради неговата патолошка љубомора направила подолга пауза во кариерата бидејќи тој не сакал да глуми.
Кога добила улога во „Сјај во тревата“, во кој партнер ѝ бил Ворен Бити, Вагнер полудел. Наводно сакал да го убие.
Сето тоа предизвикало не само распад на нивниот брак, туку и остварување на неговите ноќни мори – Натали започнала афера со Ворен Бити.
Турбулентната врска не потрајала, а таа по раскинувањето се обидела да се убие. Ја спасиле сестра ѝ Моника и мајка ѝ Марија, кои ја однеле во болница откако испила таблети за спиење.
Потоа се омажила со продуцентот Ричард Грегсон и со него ја добила ќерката Наташа. Но набрзо побарала развод бидејќи го слушнала како флертува со неговата секретарка.
По нејзиниот развод Вагнер повторно видел прилика и три месеци по нејзиниот развод пак почнале да се гледаат. Се венчале по вторпат во 1972 година и набрзо се родила ќерка ѝ Кортни.
Минатата година нејзината сестра Лана реши да ја прекине тишината и откри шокантни детали за силувањето на Натали во познат калифорниски хотел кога имала 16 години. Како што тврди Лана, Натали била намамена во хотелот на интервју, а таму со часови била силувана.
„Ја донесовме Натали до хотелот Chateu Marmont и со мајка ми со часови седевме во автомобилот и ја чекавме. Толку долго чекавме што во еден момент заспав. За тоа време Натали ја силувале“.
Лана Вуд е убедена дека за смртта на нејзината сестра е одговорен Роберт Вагнер и дека Натали никогаш не би излегла само по ноќница.
