Кара Делевињ, Амбер Хард и Елон Мaск, наводно, имале секс во тројка пред четири години, веднаш по разводот на Амбер од Џони Деп.
Манекенката и актерка Кара Делевињ е последното познато име поврзано со скандалозниот развод на Амбер Хард и холивудскиот заводник Џони Деп.
Наводно, таа водела љубов со Амбер во станот на Деп во Лос Анџелес во 2016 година, а им се придружил и Илон Мaск, пишува Мирор.
Маск, Хард и Делевињ наводно имале афера веднаш по разводот на Амбер од Деп. Извори блиски до актерот посочуваат дека Деп не ја исклучува можноста да ја повика Кара на суд за да ги искористи сите информации што ги има против неговата 34-годишна поранешна сопруга.
Тој претходно побара од Илон Мaск и од Џејмс Франко да му ги предадат на судот пораките, мејловите и сите писмени разговори што ги имале со Хард во мај 2016 година.
„Во овој случај сè може да се случи“, заклучиле експертите, кои од самиот почеток го следат случајот со нивниот развод.
Џони Деп поднесе тужба против Амбер Хард, откако во Вашингтон пост таа објави дека е жртва на семејно насилство. Тој остро реагираше и истакна дека никогаш не кренал рака на неа.
Оттогаш, адвокатите почнаа да собираат бројни пораки што си ги разменувале Хард и Деп со пријателите, во кои имало детали за нивната врска.
