Венчавката на Бритни Спирс со Сем Асгари, прославена во четврток на 9 јуни, беше многу романтична: неколку славни гости, локација од бајките, невестата во бел фустан со долг превез, многу насмевки и многу бакнежи… Сепак, поп-кралицата, пред да каже „да“, размислувала (исто така) на помалку прозаичните страни. Како што открива Тмз четириесетгодишната Бритни го навела нејзиниот дваесет и осумгодишен сопруг да потпише „ железен предбрачен договор“, поучена од искуството од претходните бракови, еден со Џејсон Александер (оној кој беше уапсен и казнет со со 3-годишна забрана за приближување затоа што се обиде да ја попречи свадбата на Бритни и Сем) и Кевин Федерлајн, татко на нејзините два сина Шон и Џејден.
Во договорот пишува дека во случај на идно раскинување, Сем нема да добие ниту цент од милионите што Бритни Спирс ги заработила пред датумот на нивната венчавка. Со други зборови: сè што било дел од имотот на пејачката пред 9 јуни 2022 година, Сем не може да го „пипне“. Зборуваме за импресивна бројка: околу 60 милиони долари. Така, потегот, коментира Тмз, „не е баш толку изненадувачки“:
„Бритни „вреди“ околу 60 милиони долари и очигледно постои потенцијал за многу сериозна заработка и во иднина. Но, таа ќе го задржи цел свој капитал недопрен ако работите тргнат наопаку за неа и за Сем“, вели адвокатот на Спирс..
Извор пак, изјави за Us Weekly во мај 2022 година дека предбрачните преговори меѓу Бритни и Сем траат „подолго од вообичаеното“ затоа што „Сем не сака да заврши без пари ако се разделат“.
