Манекенката Хајди Клум се пофали дека од 17 години помладиот сопруг на подарок добила парче од Берлинскиот ѕид.
„Денес ми стигна посебен подарок од маж ми. Дел од Берлинскиот ѕид кој го делеше Берлин цели 28 години. Тој е роден во источниот дел четири недели пред падот на ѕидот. Порасна во поинаква Германија, можеше да ја види слободата, радоста, креативноста, уметноста и надежта. Секое утро ќе го гледам ова парче во градината и ќе се потсетувам дека не треба да градам ѕидови“, напиша популарната Германка на Инстаграм.
Цената на парче од Берлинскиот ѕид, во зависност од графитот или натписот, чини меѓу 11 и 13 илјади евра.
