Гала-прославата на родендените на Атина и Ника Тошиќ и понатаму е тема во српските медиуми, а сега внимание привлече потегот на нивниот татко, поранешниот фудбалер Душко Тошиќ.
Иако на прославата тој и неговата поранешна сопруга Јелена Карлеуша имаа неколку емотивни моменти пред гостите и медиумите, Тошиќ подоцна објави серија фотографии од вечерта на кои Карлеуша не се појавува ниту еднаш.
Овој детаљ особено привлече внимание бидејќи Душко за време на прославата јавно ѝ се заблагодари на Јелена што му родила „две принцези“, по што пејачката пријателски го бакна во образ.
View this post on Instagram
Тој во еден момент ѝ ја пееше и песната „Šta će ti pevačica“, а поранешните сопружници заедно позираа со своите ќерки пред новинарите.
Сепак, кога дојде време Душко да ги сподели своите моменти од прославата на социјалните мрежи, од фотографиите целосно ја изостави поранешната сопруга.
Карлеуша, пак, таа вечер емотивно зборуваше за нивното семејство и истакна дека, и покрај разводот, Душко останал исклучително посветен татко на нивните две ќерки.
