Утрово во судот во Белград започна судењето за случајот со убиената пејачка Јелена Марјановиќ на втори април, 2016 година.
Судијата Јелена Шкулиќ во постапката која се води против обвинетиот Зоран Марјановиќ, денеска на странките им предаде писмо од анонимен човек од Швајцарија.
Таа го информирала обвинителството и бранителите дека на 22 октомври присгинало мистериозно писмо од Швајцарија и дека обвинителството треба да одлучи дали ќе постапи по него.
За сега не е познато што пишува во него.
Според неофицијални информации во писмото се тврди дека се знае кој е убиецот и дека наводно, тоа не е Зоран Марјановиќ.
Марјановиќ повторно денеска во судот изјавил дека не е виновен и дека нема никаква врска со убиството на сопругата.
– Овој момент го чекав три и пол години. Верувам дека судницата е место за тоа, бидејќи мене не ми беше дадено шанса за тоа. Се против мене и моето семејство е спин, се пишуваше се и сешто, се зборуваше по емисии и се тоа додека бев во притвор, а никој не реагираше – изјавил Марјановиќ.
Посебно истанал дека односот со Јелена му бил совршен, но дека понекогаш имале несогласувања околу нејзиниот стајлинг кога таа решила да се врати на естрадата.
