Шарлиз Терон изјави дека Сегал не е некој миленик на понежниот пол…
Убавата Шарлиз Терон во најновото интервју жестоко го прозва актерот Стивен Сегал и истакна дека нема проблем да се дистанцира од него, со оглед дека тој не е баш омилен кај жените.
Имено, во интервју за Хауард Стен, Шарлиз зборуваше за тоа како таа се подготвува за борбените сцени, односно сцените во филмови за кои е потребно добро познавање и користење на борбените вештини.
И додека таа зборуваше на таа тема, ја искористи приликата и го повика својот колега Сегал, велејќи дека тој е само многу голем човек и дебел и дека не покажува никакви вештини, туку само го користи фактот дека е огромен и дебел и само ги турка луѓето.
– Навечер, секогаш барам борци на Интернет или гледам како луѓето се борат. Па наидов на тоа чудно видео со Сегал каде тој „се бори“ во Јапонија, но тој навистина не е способен. Тој е едноставно неверојатно претежок и само ги турка луѓето – изјави Шарлиз.
– Тој има вишок килограми и едвај може да се бори. Смешен е, ги турка луѓето по лицето цел сет, продолжи остро актерката.
Шарлиз објасни дека таа нема никакви проблеми со тоа што така зборува за Стивен, бидејќи тој и не е некој миленик на понежниот пол, а упати и една малку безобразна порака до него.
– Нека се е*е!
Инаку во минатото неколку холивудски актерки зборуваа против Сегал односно тие го обвинуваа дека тој се обидел да ги искористи сексуално.
