По најтешките 20 месеци од нејзиниот живот и долгите години борба на суд, Северина го врати старателството над својот деветгодишен син.
Според одлуката на судот, малиот Александар половина месец ќе живее со својата мајка, а остатокот од месецот со неговиот татко, Милан Поповиќ.
Северина во своето ново интервју ја отвори душата и, меѓу другото, детално ги опиша односите со српскиот бизнисмен, неговите уцени, луѓето кои, како што објасни, ѝ го претвориле животот во пекол, институциите…
„Уште од самиот почеток, но не го сфатив. Тој беше многу различен од сите што ги имав сретнато дотогаш, и тоа ми беше интересно. Наскоро видов дека неговото знаење е оскудно, дека или не знае или не сака да каже многу работи, а она што го кажуваше се базираше на предрасуди и суеверие. И најтешко ми беше што сфатив дека избегнува блискост и дека е опкружен со sидови кои не можам да ги прескокнам. Погрешив што порано не се збогував со него. По четири месеци, открив дека сум бремена, што ме направи среќна и загрижена во исто време. Бев среќна затоа што сакав да бидам мајка, но во исто време бев преплашена затоа што размислував за тоа дека ние двајца припаѓаме на сосема различни светови. Се прашував како овој човек кој не покажува ниту најмала емпатија, избегнува блискост, кој е крут и суеверен ќе биде родител“, изјави Северина во интервјуто за „H-Alter“.
View this post on Instagram
Во разговорот, пејачката опиша што се случило по раѓањето на нејзиниот син Александар. Како што вели, претприемачот ѝ рекол дека нема да дозволи новинарите да го фотографираат детето ако не платат најмалку 50.000 евра. Поради тоа, таа морала да се искраде од породилното одделение ноќе и се сместила во привремен стан каде што нашла црни камења кои, како што објасни, биле во согласност со неговото суеверие. Тој ѝ наредил да биде дома со детето четириесет дена и ѝ забранил воопшто да излегува, а потоа одеднаш исчезнал.
Потоа, Северина детално раскажа дека Поповиќ се појавил по четириесет дена и ги однел во Белград, каде што сè што веќе чувствувала, само се зголемило.
View this post on Instagram
„Но, јас, сепак, како жртва на злоставување, имав надеж дека ќе се промени. За време на православниот Велигден, се вклучив во подготовката на прославата и, за да ја покажам својата силна желба да се зближиме, го собрав неговото расштракано семејство, неговите гатачи за да му угодам, но тој поради тоа збесна уште повеќе. Следното утро, исчезна. Останав сама, го доев детето полна со страв да не згрешам и да не му го нарушам распоредот во станот бидејќи во секоја таква прилика имав искуство да го налутам. Си дојдов при себе. Не сакав да живеам во страв со човек кој нема чувства за мене или за нашето дете и му испратив порака дека треба да разговараме за иднината на нашето дете, а тој ми одговари дека за тоа требало порано да размислам, пред да ја отворам мојата паганска уста. Се вратив во Загреб“, раскажа Северина објаснувајќи дека нејзината вознемиреност растела со секој нареден ден, како и болката при помислата дека детето ќе расте без татко.
View this post on Instagram
„Водев внатрешни монолози, убедувајќи се себеси дека може да се промени, прашувајќи се дали е во прашање моето его, дали сум доволно добра за него. Подоцна сфатив дека ова е типично за жртвите на насилство. Го прекина секој контакт со мене, а со тоа и со детето, не одговараше на моите повици или пораки. Го викав да дојде да го види детето, го молев да дојде на крштевањето на детето во Риека. Поминаа месеци. Постојано се обидував да ги разбудам емоциите кај него, го известив кога му порасна првиот заб на детето, изразувајќи жалење што не беше со него кога проодуваше и го изговори првиот збор. Воопшто не одговараше на сето тоа“, откри таа.
View this post on Instagram
Детето имало девет месеци и дотогаш имал средба со својот татко само неколку пати.
„И покрај сè, бев среќна да се сретнат, бидејќи ако некој е поборник за едноправно родителство, тоа сум јас. И секоја ситница од негова страна будеше надеж во мене дека Александар ќе расне и покрај својот татко. Во тоа време, не знаев дека подоцна на суд ќе го каже своето мислење дека на детето не му треба присуство на таткото до неговата прва година од животот“, вели Северина.
Пејачката, во интервјуто раскажа и за Центарот за социјална заштита „Максимир“ во септември 2013 година. Се сретнала со социјална работничка која ја гледала непријателски и открила дека Милан му извадил српски пасош на детето без нејзино знаење. Во тој момент дополнително ѝ се зголемил стравот, мислејќи дека Поповиќ ќе го одведе момчето во соседната земја. Меѓу другото, пејачката вели дека не знаела зошто споменатиот претприемач ѝ го правел сето ова.
View this post on Instagram
„Не сум експерт и не би го цртала неговиот психолошки профил. Тоа е работа на службите на кои им се обратив за помош, а не ја добив. Ниту од полиција, психолози, психијатри, социјални служби, судови. Но, имам искуства со него и знам што е подготвен да направи за да стигне до својата цел. Особено откако остварив брачен однос со друг партнер. Не затоа што не можеше да го поднесе моето заминување од него, туку затоа што не можеше да ја поднесе загубата на трофејот што го виде во мене. Првите пет месеци од 2015 година, воопшто не доаѓаше да го види детето. Се појави кога прочитал во весникот дека имам момче, Игор Којиќ. Долго време го чував во тајност затоа што претпоставував дека ќе биде така, но, еве, за среќа, го сретнав мојот иден сопруг, бидејќи, ако не се случеше тоа, таткото немаше да дојде. Милан за пет години од нашиот брак и соживот, Игор секогаш го нарекуваше третата личност, очув на своето дете. И бидејќи бев со Игор, тој френетично почна да покренува тужби, денес мислам дека се повеќе од 60, против мене, Игор, таткото на Игор, мојата внука, моите пријатели, блиски соработници и адвокати, против сите луѓе околу мене и кои ми значат нешто во животот. А мене ми пишува потценувачки мејлови „Грижлива мајко…“, раскажа пејачката.
View this post on Instagram
Северина отворено прозборе и за „филмот“ од 2004 година, кој Поповиќ честопати знаел да ѝ го „плесне“ во фаца. Таа откри дека има само три лица кои ги повредила со истото видео – децата и сопругата на нејзиниот партнер од спорното видео, а го спомена и покојниот Милан Бандиќ.
„Во есента 2017 година, првпат дојдов кај Бандиќ. Веќе имавме некои средби, кога пеев за „СДП“ каде во тоа време беше тој, сакаше да се слика со мене за некоја насловна страница, јас не му дадов, а подоцна се налути затоа што за Ново година пеев на плоштад, па тој и неговиот пријател сакаа да ми дадат пари под маса, а јас не сакав без договор. Смешни момци. Бандиќ сакаше да ме придобие, па му се јави на директорот на „Арена Загреб“ пред мене, да ми организира концерт со врски, како што тоа го прави за други изведувачи. Не ми требаше тоа, го замолувив да им се јави на Гзим и Ивица Ловриќ и да им каже да се оддалечат од моето дете. Бандиќ почна да ми вика, велејќи дека Милан сакал да даде 50 милиони евра на Загреб“, изјави Северина.
View this post on Instagram
Пејачката исто така, се присети на почетокот на учебната година на Александар, летото 2019 година, кога медиумите биле преплавени со нејзини приватни фотографии што му ги испратила на својот сопруг од турнејата.
„Сфатив дека мојот мобилен телефон е хакиран и открив дека тоа го сторил истиот криминалец кој му наштетил на моето семејство во други работи и дека се водат кривични постапки против него. Милан ми испраќа порака дека ќе излезе мојот „нов порно филм“ прашувајќи ме зошто му го правам ова на детето. Плус, знаете дека тоа го направил неговиот татко. Паднав на 48 килограми од стрес, ги прекинав сите работни обврски, тоа тешко ме погоди“, рече пејачката.
