И покрај тоа што владее пандемија поради коронавирусот, младата пејачка Теа Трајковска реши да ја почести публиката со нова песна.
Таа изминатите денови го снимаше и видеоспотот за новата нумера која носи наслов „Сенки“, за која текстот го напиша лично Теа, додека музиката и аранжманот се на најдобриот кај нас – Лазар Цветковски.
Теа не сакаше да открива многу детали за тоа како ќе звучи песнатра и како ќе изгледа спотот.
– Не сакам да откријам ништо, бидејќи сакам сите што ќе ја слушнат да се изненадат од целокупниот производ што го подготвувавме со тимот. Би сакала да бидете трпеливи уште малку, прашање на денови или недели е кога ќе биде промовирана – вели Трајковска.
Инаку Теа за првпат за овој спот соработува со одличниот режисер Томи Акимовски и камерманот Горан Симјаноски.
Фотографиите кои ги погледнавте се од снимањето на видеоспотот.
