Во ресторанот „Рок“ во Занзибар се служи исклучиво морска храна и свежа риба, уловена во текот на денот во водите што ја опкружуваат.
Архипелагот Занзибар кој се наоѓа во Источна Африка е сојузна единица на државата Танзанија, оддалечен 25 – 50 км од неа. Составен од мали острови, од кои два најпознати се Пемба и Унгуџа, каде всушност се наоѓа и главниот град Занзибар.
Освен главните стопански гранки на Занзибар во производството на зачини, како бибер, цимет, индиски орев и каранфилче – се гордеат со рибна храна и ексклузивен ресторан.
Ресторанот „Рок“ во Занзибар е сместен на карпа висока осум метри, во средината на Индискиот Океан. Се наоѓа во близина на многу популарната плажа Пингве Миханси.
Можете да стигнете до ресторанот пеш кога е слаба плима, но ако останете долго во него и доколку се зголеми нивото на океанот, ќе мора да се вратите со брод назад кон брегот.
Во ресторанот се служат специјалитети од најсвежите морски плодови и риби. Сопственост е на рибар, кој на оваа локација препознава туристичко-угостителски потенцијал.
Во ресторанот има и тераса со неверојатно убав поглед на околината, храната е многу вкусна, а туристите ја обожаваат.
Погледнете го видеото од ресторанот „Рок“ на следниот линк:
