Јутјуберот Богдан Илиќ, попознат како Бака Прасе, заработи вртоглава сума на коцкање, а парите со кои се фалеше во своите видеа многу брзо ги потроши на луксузни автомобили и други скапи предмети.
Меѓутоа, неодамна ги извести своите следбеници на Инстаграм дека прокоцкал сѐ и дека е во големи долгови, поради што ги продава своите луксузни автомобили. Како што тогаш изјави, изгубил 80.000 евра, а потоа уште 160.000.
Како што пишуваат српските медиуми, добро упатен извор тврди дека ова е наводно уште една лага на познатиот јутјубер, до која дошол во договор со новите колеги и пријатели, сѐ со цел да заработи уште повеќе пари.
„Бака Прасе ја измисли целата приказна за банкротот за да создаде ‘хајп’ бидејќи наскоро преминува во ново онлајн крипто казино. Оваа нова платформа е една од најголемите во светот. Целта му е да заработи уште повеќе отколку на старата стрим платформа, а нема сомнеж дека по враќањето од незаконитоста ќе има огромна гледаност, а со тоа и заработка. Во една од огласите има фотографија од неговиот Mercedes G class, а во позадина се гледа зграда со лого на онлајн крипто казино“, изјави споменатиот извор.
Како што пишува „Мондо“, кога малку повеќе ќе ја истражите таа компанија и логото од сликата на рекламата, доаѓате до личност која е одличен познавач на маркетинг, бизнис и криптовалути, па многумина го нарекуваат личност пред своето време.
„Богдан неодамна го следеше на Инстаграм, па јасно е дека ова е нова соработка поврзана со тоа криптоказино. Тие се свесни дека моментално владее невидена возбуда околу него и дека сите со нетрпение го очекуваат неговото враќање. Сите паднаа на приказната дека не успеал и дека сите го напуштиле – од неговите пријатели до неговата девојка Ања Бла. Тоа беше неговата цел. Богдан воопшто не е глуп, сето ова го направи намерно“, објаснил изворот.
