Роберто Бенињи, го доби Златниот лав за животно дело на фестивалот во Венеција, а неговиот говор секогаш оригинален и полн со дух и карактер беше вистински хит.
Италијанскиот актер, во говорот му се заблагодари на своето семејство, односно на неговата сопруга:
View this post on Instagram
„Овој момент сакам да ѝ го посветам на Николета Браски, која е тука во салата. Правиме сè заедно 40 години. Знам само еден начин за мерење на времето: со или без тебе. Ќе го споделиме овој крилест лав, јас ја земам опашката, за да ти ја покажам мојата радост мавтајќи со опашката, а ти остатокот. Првенствено крилјата, крилјата се твои, бидејќи ако некогаш летав во мојата работа, тоа е благодарение на тебе, твојот талент, твојата мистерија, твојот шарм, твојата убавина, твојата женственост, фактот дека си жена“, рече актерот и додаде :
View this post on Instagram
„Да се биде жена е мистерија што ние мажите не ја разбираме. Граучо Маркс беше во право кога рече: Мажите се жени кои не успеале да бидат жени. И тоа е вистина. Не можев да бидам како тебе, Николета. Ако сум направил нешто убаво или добро во мојот живот, тоа секогаш било преку твојата светлина. Нашата љубов беше на прв поглед, всушност на вечен поглед“.
