Македонската пејачка Маријана Новачевска со емотивна порака му го честиташе 89. роденден на својот татко Томислав Сариќ, а по тој повод на социјалните мрежи сподели и три семејни фотографии од роденденската прослава.
„Бројката 89 е големка и уште толку многу да си ни здрав, жив, татичко наш. Среќен роденден, Томчико наш“, напиша Маријана во објавата.
На фотографиите се гледаат Маријана и нејзината сестра Росана Сариќ-Тодоровска покрај својот татко, како и нивните родители, Томислав и Гордана Сариќ. На семејната прослава присуствувал и актерот Ѓорѓи Тодоровски – Трупче, сопруг на Росана, кој со наздравување му го честитал роденденот на својот тест.
Маријана и Росана својата музичка кариера ја започнаа како дуетот „Маријана и Росана“, кој остави препознатлив белег на македонската музичка сцена. По преселбата на Маријана во Австралија, Росана продолжи како соло изведувач и изгради успешна кариера во македонската фолк-музика.
