Познатата актерка Ребел Вилсон ја паметиме по улоги од многу комедии како „How To Be Single“, „The Hustle“ или „Isn’t It Romantic“ во кои успешно ја смееше публиката до солзи. Но, покрај успешната кариера, Вилсон низ годините се бореше со вишокот килограми, а минатата година ги изненади сите со својата неворојатна преобразба.
Симпатичната актерка и комичарка вели дека успеала да изгуби 18 килограми само со напорен тренинг и здрава исхрана, а нејзиниот нов изглед ги остави без здив нејзините пријатели и обожаватели. Австралиската ѕвезда решила да направи голем пресврт во својот живот.
„Последните четири години живеам со одредени мисии. Минатата година ја „потрошив“ на забава, претходната на љубов, и сега решив да имам година на здравје. Сфатив дека ќе наполнам 40 години и дека е крајно време да се посветам на моето здравје, кое очигледно беше занемарено. Тоа се покажуваше во мојот изглед“, објасни Ребел Вилсон во емисијата на Дру Баримор.
Актерката без двоумење изјави дека во минатото јадела многу нездраво и воопшто немала никаква физичка активност.
„Мислам дека всушност страдам од емоционално прејадување. Секогаш кога сум под стрес, посегнувам по крофна, така се справувам со проблемите“, еднаш изјави Ребел.
Така одеднаш одлучила да си постави своја цел, и успеа во својата намера, а резултатот е навистина импресивен.
Славната комичарка се пофали со витката фигура облечена во спортска облека, а нејзините многубројни обожаватели на социјалната мрежа „Инстаграм“ беа воодушевени од нејзиниот изглед.
Тајната на нејзиниот изглед вели дека е во специјална диета наречена „Mayr“ смислена уште пред 100 години, која се базира на многу едноставна теорија за „паметна“ консумација на храна и исфрлање на нездравата храна која не користи за здравјето.
Луѓето кои го користат овој метод мора да го џвакаат секој залак 40 до 60 пати, бидејќи, според приврзаниците на овој метод на јадење, тоа го стимулира варењето на храната и избегнуваат да јадат со вклучен тв или мобилен телефон со цел што повеќе да се фокусираат на храната.
Ребел од своето мени ги елиминирала грицките, нездравата храна, кофеинот, шеќерот и преработената храна, а го намалила и внесот на глутен и млечни производи. Сега јаде што повеќе овошје, зеленчук и мешунки…
Преземено од Слободен Печат.
