Сара Јо и словенечкиот кореограф и танчер Жига Сотлар повторно се во центарот на вниманието поради шпекулациите дека ставиле крај на својата долгогодишна врска.
Иако ниту еден од нив официјално не се огласил, корисниците на социјалните мрежи забележаа дека Жига ја отследил Сара Јо на Инстаграм и го избришал нејзиното име од описот на својот профил, каде претходно стоела меѓу изведувачите со кои соработува.
Од друга страна, пејачката сè уште го следи поранешниот партнер, па многумина се прашуваат дали и таа наскоро ќе го направи истиот потег.
Дополнителни сомнежи предизвика и фактот што парот веќе подолго време не објавува заеднички фотографии, а голем дел од нивните стари објави се избришани од профилите.
Последните траги од нивната врска на Инстаграмот на Сара датираат од 2025 година, додека Жига претходно ги отстранил речиси сите заеднички фотографии, оставајќи само дел од професионалните соработки.
Српските медиуми во меѓувреме пишуваат дека Сара веќе била видена во белградски локал во блиска атмосфера со младо момче, што дополнително ги поттикна приказните за раскин.
Љубовната приказна на Сара Јо и Жига Сотлар започна во 2021 година, откако прво комуницирале преку социјалните мрежи, а подоцна се запознале и во живо во Будва.
Пејачката своевремено откри дека уште при првата средба ја освоиле неговата енергија и зрелост, а подоцна нивната професионална соработка прераснала во љубовна врска.
