Почина Радиша Миљковиќ – Радашин, еден од најпознатите учесници на регионалното реално шоу „Големиот брат“. Инаку, тој починал синоќа, во своето родно село Љуптен во Србија.
Неговиот кум ја потврди тажната вест за српскиот портал „Блиц“.
„Почина синоќа. Вчера бев во селото и беше критично“, изјавил кумот на Радашин.
Неговата снаа Виолета проговори за здравствените проблеми на свекор ѝ.
„Му пукна капилар на ногата, доби сепса. Почина на 62-годишна возраст. Тој сè уште беше во брак со жена му. Таа тешко го поднесе ова. Беше болен неколку години. Еве, сега Се подготвуваме за погребот“, изјави Виолета за „Блиц“.
Инаку, Радиша Миљковиќ беше учесник во неколку реални шоуа, а многумина коментираа дека е двојник на актерот Радош Бајиќ.
Последните денови од животот ги поминал во родното село со сопругата Златка, синот, снаата и внуците.
