Почина Љубо Јелчиќ, водител, спикер и актер, кој ја водеше првата емисија на Телевизија Загреб – преносот во живо од отворањето на загрепскиот саем во 1956 година, јавува ХРТ. Тој беше домаќин на бројни радио и телевизиски емисии, преноси, фестивали.
Роден на 24 октомври 1929 година, настапувал во Народниот театар во Карловац како апсолвент на актерската академија и студент по историја на уметност. Очекувајќи работа во загрепската ХНК, тој се пријавил на аудиција за радио спикер и победил меѓу 700 други кандидати.
Теодоносиос Папанитијадис – тоа е едно од првите имиња со кои се сретнал во Радио Загреб и веднаш без грешка го прочитал. Прецизноста го следеше понатаму: во текот на неговата кариера стана познат како високо концентриран професионалец кој, кога водеше програми на сцената, воопшто не користеше белешки.
Љубо Јелчиќ ја водеше првата емисија на Телевизија Загреб – преносот во живо на отворањето на загрепскиот саем во 1956 година. Тој одбележа многу радио емисии како „Музика и ми“, „Прича за лаку ноч“, „Филмски мозаик“ и „Поморска вечер“.
