Семејството на актерот Џорџ Рос Робертсон информира дека тој починал на 89-годишна возраст.
Овој актер го паметиме по улогата на шефот Херст во комедијата „Полициска академија“ која во осумдесетите години беше вистински хит. Тој глумеше во шест филмови од таа франшиза. Потоа оствари улоги во „Бебето на Розмари“, „Аеродром“ и „Норма Рае“.
„Неговото семејство потврди дека тој починал во болница во Торонто минатата недела, а комеморацијата е планирана за подоцна во март“, објави Мирор.
Робертсон е роден во Брамптон, Онтарио во 1933 година. Магистрирал за бизнис, но Џорџ чувствувал дека е предодреден да глуми, па продолжил да работи во театарот.
