Пејачката на групата „Луна“, Дуња Флеш, заврши во болнички кревет, од каде се огласи.
Имено, со оглед на тоа дека, освен со пеење се занимава и со фитнес, Дуња само ден претходно била на тренинг каде имала напорни вежби, а неколку часа подоцна била примена во болница.
Таа истакна дека следните 3 дена ќе мора да ги помине во болнички кревет поради сите анализи кои треба да се направат.
„Вака 3 дена“, напиша Дуња со фотографија од болничкиот кревет.
По тој повод, Наталија Ибраимов од музичката група „Трик Фкс“ на Инстаграм ѝ даде поддршка за колешката.
„Само да знаеш дека сме со тебе и мислиме дека треба да бидеш силна, а потоа нови победи“, напиша Наталија на Инстаграм.
