Пејачката Емина Јаховиќ уште како многу млада почнала сама да заработува. Пред да зачекори во музиката и да стане позната на сцената, таа не се занимавала само со манекенство, како што многумина мислат. Всушност, првата нејзина јавна работа била – водење временска прогноза.
Со само 18 години, за време на средношколските денови, Емина работела на телевизијата во Нови Пазар и така го заработувала својот џепарлак.
– Сите се сеќаваме на слаткото девојче кое веднаш ни ги освои срцата. Емина беше нашето милениче, донесе младешка енергија и ентузијазам на телевизијата. Уживaше кога ќе застане пред камера, се радуваше на јавниот настап и уште тогаш знаеше дека еден ден ќе стане позната – открива извор од РТВ Нови Пазар, кој добро ги памети нејзините почетоци.
Иако во еден момент реши да остане пред камерите, микрофонот ја однесе во музички води. Веќе со првиот албум постигна успех и дефинитивно се збогува со водителството – професија за која речиси никогаш не зборуваше јавно.
На нашето прашање, Емина беше искрено изненадена што дознавме за нејзините први професионални чекори.
– Со радост се сеќавам на тинејџерските денови. Уживaв во периодот што го поминав работејќи на телевизија и радио. Тогаш првпат ја покажав својата креативна слобода, која подоцна ме одведе кон музиката и јавниот живот – ни изјави Емина Јаховиќ.
