Австралиската актерка Елизабет Дебики е избрана да ја игра улогата на принцезата Дијана во последните две сезони од хит серијата „Круна“.
Дебики (29) ќе се придружи на новата екипа на серијата, што ги вклучува и Имелда Стонтон како Елизабета Втора, Џонатан Прајс како принцот Филип и Лесли Менвил како принцезата Маргарет.
Ема Корин ќе биде Дијана во четврта сезона која следи, а Дебики ќе ја преземе улогата за најдраматичните поглавја од нејзиниот живот. Петтата и шестата сезона се најавени како последни и засега не е познато кога ќе излезат.
Исто така, Дебики ќе има една од главните улоги во новиот филм на Кристофер Нолан, „Тенет“.
