Пејачката Теа Таировиќ одбележа една година брак со својот сопруг Иван Вардај, со кого ретко објавува заеднички фотографии, иако нивната љубовна приказна со месеци привлекува внимание во јавноста.
По повод годишнината, Теа на социјалните мрежи сподели низа интимни и романтични моменти со Иван, кој пред да стане нејзин сопруг бил дел од нејзиниот тим како возач и телохранител.
„Најдобриот опис на љубовта е првата фотографија, а најдобриот опис на бракот е последната“, напиша пејачката во описот на објавата.
Иако приватниот живот главно го чува далеку од јавноста, папарацо фотографите често ги фотографираат заедно, особено на патувања и настапи.
Теа и Иван се венчаа минатата година, а информацијата за свадбата во јавноста се појави само неколку дена пред церемонијата. Пејачката тогаш го привлече вниманието со раскошната венчаница и одлуката да го додаде презимето на сопругот.
Според блиски извори, двојката планира во иднина да направи и црковна венчавка.
Иван и денес е постојано покрај Теа и ја придружува на нејзините настапи и патувања, а нивна омилена дестинација за одмор се Малдивите, каде што често престојуваат кога имаат слободно време.
Фановите веднаш ја преплавија пејачката со честитки и коментари, а многумина напишаа дека токму нивната приказна покажува дека љубовта често доаѓа тогаш кога најмалку ја очекуваме.
View this post on Instagram
