Актерката Лори Лохлин, ѕвезда на серијата „Полна куќа“, доби казна затвор во времетраење од два месеци за учество во скандалот со запишување на нејзината ќерка на Универзитетот во Јужна Калифорнија.
Имено, Лохлин и нејзиниот сопруг Мосимо Џианули се обиделе да избегнат тужба за поткуп, но обвинителството, а потоа и судот во Калифорнија, не ги отфрлиле обвиненијата.
Холивудската актерка е осудена на два месеци затвор, а нејзиниот сопруг на пет месеци, а потоа и на две години надгледување, за кое време Лохлин ќе мора да одработи 100 часа општествено корисна работа и да плати казна од 150.000 американски долари.
Нејзиниот сопруг, Мосимо Џианули, пак, ќе мора да одработи и 250 часа корисна работа во заедницата и да плати казна од 250.000 американски долари по издржување затворска казна од пет месеци.
Брачната двојка е должна да се пријави кај затворските власти на 19 ноември до 14 часот за издржување на казната.
Судот ги осуди за тоа што се согласиле да го поткупат Вилијам Рик Сингер со половина милион долари, кој обезбедил нивната ќерка да ги фалсификува и препише точните одговори на тестот за упис факултетот.
