Нашиот врвен виолинист Зоран Џорлев со години негуваше препознатлив стил со подолга коса и брада. Но, неодамна решил да воведе драстична промена во својот изглед со кој ги „збуни“ своите обожаватели и пријатели.
Џорлев сподели две фотографии на својот „Facebook“ профил, шегувајќи се на своја сметка: „Горан брат му на Зоран… хаха… Малку освежување без брада“, напиша Џорлев.
Фотографиите за многу кратко време предизвикаа лавина коментари. Неговите обожаватели и пријатели го поздравија новиот изглед на маестрото, велејќи дека е непрепознатлив.
Некои од неговите пријатели почнаа шеговито да коментираат дека жена му Офелија нема да го препознае, дека изгледа десетина години помладо…
Како и да одлучи да изгледа, Џорлев останува еден од најдобрите македонски виолинисти, чија музика се слуша низ цел свет.
Зоран Џорлев е познат по многубројните обработки и изведби на македонски народни и забавни песни, обработки на филмски, џез и етно теми. Тој е професор по виолина и магистер по фолклористика.
