Не им требаше долго за да „запловат“ во љубовна романса, а изгледа дека младата милијардерка и не пати премногу за долгогодишниот партнер со кој само пред еден месец раскина.
Младата милијардерка Кајли Џенер, неодамна ја раскина својата врска со Тревис Скот, со кој ја има ќерката Сторми. Иако до самиот крај оваа љубов делуваше совршено, тие повеќе не можеле да се справат со несогласувањата.
Сепак, Џенер изгледа дека не се „потресе“ премногу околу ова раскинување. Како што пренесуваат бројни странски медиуми, таа веќе го освои срцето на славниот рапер Дрејк.
Тие изминатиов период повеќе пати се забележани заедно на неколку забави и вечера.
Не помина ниту месец дена откако Кајли и Тревис раскинаа, а сакаа да застанат и пред олтарот. Меѓутоа, преку бројните кавги никако не можеа да преминат.
Останува да се види колку нејзината врска со Дрејк ќе биде озбилна и дали можеби со него ќе успее да го исполни тоа што не можеше со Тревис.
