Мајката на славниот актер Силвестер Сталоне (73), Џеки Сталоне (98), во последните неколку години преживеала доста тешки животни ситуации. Џеки ги загубила ќерката и внуката, а претрпела и три срцеви удари, меѓутоа и натаму се држи, иако ја делат само две години за да стигне до фамозната стотка.
Денеска многумина го споредуваат нејзиното лице со она на Донатела Версаче, бидејќи бројните естетски операции кои ги направила во последните децении потполно ја промениле.
Веќе е јасно дека мајката на Сталоне, која на 28 ноември наполни 98 години претерала со операции, а и самата признава дека го постигнала спротивното од она што го замислувала.
Сепак, таа вели дека не жали и дека не би променила ништо.
– И натаму ги користам сите можни средства за да изгледам што подобро, но ми се чини дека постигнувам спротивен ефект. Вбризгував премногу филтри и затоа сега изгледам како верверичка чија уста е полна со лешници. Но, не жалам за ништо. И понатаму сум витална – изјавила Џеки Сталоне за „Дејли Мејл“.
– Видов и пробав се што сакав. Имам деца и внуци кои ги гледав како растат и успеваат во животот. Го прошетав целиот свет, ги запознав сите ѕвезди и членови на кралски семејства. Се мажев, се разведував, оставав мажи пред олтар, ги гледав во најдобро и најлошо светло. Немам за што да жалам – заклучила таа.
Иако има 98 години, Џеки до неодамна одела на танц, а два пати неделно тренирала во теретана со личен тренер и свирела клавир.
На журки и забави не одела никогаш, бидејќи како што вели, мора да остане свесна и за тоа дека е под будно око на јавноста бидејќи е пример за многу холивудски жени.
