Том Круз не се плаши да изведува вратоломии во филмовите, а пред некој ден е фотографиран како се спушта со параглајдер по стрмните карпи во француските Алпи.
Познатиот 57-годишен глумец сам учествува во многу ризични сцени и нема каскадер, па му се случувало понекогаш и да скрши некоја коска, пренесува британски Метро.
Последен пат незгода имал при снимањето на “Mission Impossible: Fallout”.
„Го бркав Хенри и требаше да го прескокнам ѕидот, ама случајно го шутнав. Во истиот момент знаев дека го скршив зглобот ама не сакав да ја повторувам таа сцена, па само продолжив да трчам. После реков: Си го скршив зглобот. Тоа е тоа, носете ме во болница. Сите ги извадија телефоните за да резервираат патување и да го почнат одморот“, раскажал Круз.
Глумецот додека учел да се спушта со параглајдер ја носел целата неоходна заштитна опрема, а на подножјето го дочекал инструкторот.
Засега не е познато дали вежбал за снимање на некоја сцена или едноставно го сака параглајдеризмот и адреналинската грозница.
