Бритни Спирс не губеше време да се врати на социјалните мрежи по објавената вест дека таа и Сем Асгари се разведуваат по една година брак.
Неколку часа откога повеќе медиуми објавија дека нејзиниот сопруг поднел барање за развод, Спирс се огласи на „Инстаграм“ за да сподели поинакви новости за својот живот.
Бритни во својата нова објава на „Инстаграм“ не ја спомнува разделбата, туку пишува за своите планови да купи коњ.
View this post on Instagram
„Набргу ќе купам коњ. Толку многу опции, што е тешко да се одлучам. Еден се вика Софи, а другиот се вика Роар“, напиша таа во описот покрај фотографијата на која јава коњ на плажа. „Не можам да се одлучам!!!“
Бритни ги праша фановите: „Дали да се придружам на трендот и да ставам розова каубојска капа“, што навидум алудира на популарниот моден тренд инспириран од кинохитот „Барби“.
Денес, пејачката на својот инстаграм – профил сподели долг текст во кој изјави дека предолго била силна.
View this post on Instagram
„Како што сите знаат, јас и Хесам повеќе не сме заедно. Шест години се долго време да се биде со некого, па малку сум шокирана, но не сум тука да објаснувам зошто затоа што искрено тоа не е ничија работа. Сепак, не можев повеќе да ја издржам болката, искрено. Добивам толку многу пораки од пријатели кои ми го топат срцето и ви благодарам. Предолго сум силна и мојот Instagram можеби изгледа совршен, но тоа е далеку од реалноста и мислам дека сите го знаеме тоа. Би сакала да покажам емоции, солзи и како навистина го чувствувам тоа, но поради некоја причина секогаш морав да ги кријам моите слабости“, додаде таа.
