Познатата британска водителка Лизи Кунди, неодамна јавно зборуваше за трауматичните последици со кои се соочила по последната естетска корекција, кога малку недостигало да го загуби видот.
Славната 51-годишна водителка призна дека невнимателно и без претходно истражување направила операција за подмладување.
– Се чувствував уморно и депресивно, а еден пријатели ми рече: Да, изгледаш прилично изморено, зошто не пробаш со филери околу очите? Тоа може да те подмлади за 10 години. Не размислував многу за тоа, само помислив дека е добра идеја. Тоа беше идиотска одлука која ја донесов во тежок момент, кога само сакав веднаш да изгледам помладо и поубаво – објаснува Лизи.
Таа практично веднаш по самиот третман почувствувала дека нешто не е како што треба, очите веднаш и потекле, исто како да имала алергиска реакција.
За среќа, Лизи веднаш побарала помош од врвен доктор, па успеала да си го сочува видот, но потоа сакала отворено да зборува за своето искуство за да ги предупреди и другите жени.
– Утрото по операцијата мојот вид беше целосно замаглен и почнав да паничам. Помислив дека сум го загубила видот. Очите ми беа толку надуени, бев преплашена. Повикав пријател кој познава специјалист за отстранување на филери. Откако му испратив слики од очите, тој ми рече веднаш да одам кај него. Буквално чувствував како очите да ме печат одвнатре – се сеќава водителката на ова непријатно искуство.
– Докторот ми рече дека мора се да се отстрани и дека тоа може да ме повреди, но јас немав проблем. Штом го вбризга растворот за растворање, веднаш забележав разлика. Ми се врати видот во нормала за само неколку минути. Навистина имав среќа да го зачувам видот и сакам да ги предупредам другите – додава водителката.
Атрактивната бринета вели дека најмногу стравувала од тоа дека повеќе нема да може да ги гледа своите два сина – Џош и Џејмс, кои ги добила од бракот со поранешниот сопруг Џејсон Кунди.
Ова не е прв естетски подвиг на кој се одлучила актерката, а во минатото признала и дека имала операција на градите и низа на третмани за лице.
