Најпознатата хрватска навивачка Ивана Кнол потврди дека ќе биде дел од атмосферата на Светското првенство 2026. Таа преку објава на социјалните мрежи откри дека повторно ќе ги бодри „ватрените“ од трибините на најголемата фудбалска сцена.
Во видеото кое го сподели со своите следбеници, Кнол позира во препознатливото навивачко издание со црвено-бели коцки, а со кратката порака „Се гледаме на Светското првенство“ јасно стави до знаење дека повторно ќе биде меѓу најзабележителните навивачи на турнирот.
View this post on Instagram
Во дресот на Марио Манџукиќ
Посебно внимание привлече дресот што го носеше во видеото. Станува збор за дрес со бројот 17 и презимето на поранешниот хрватски репрезентативец Марио Манџукиќ, еден од хероите на генерацијата што стигна до финалето на Светското првенство во Русија во 2018 година.
Нејзините обожаватели веќе се навикнати да ја гледаат покрај терените на најголемите натпреварувања, па многумина нејзината објава ја протолкуваа како официјална потврда дека ќе патува на мундијалот.
Од трибините до светска популарност
Ивана Кнол светска слава стекна за време на Светското првенство во Русија во 2018 година, кога нејзините фотографии од трибините го обиколија светот. Благодарение на впечатливите навивачки комбинации, таа стана едно од најпрепознатливите лица на турнирот и симбол на хрватските навивачи.
Оттогаш редовно ја следи хрватската репрезентација на големите спортски настани, а популарноста ја претвори и во успешна кариера.
Денес е успешна диџејка
Покрај активностите на социјалните мрежи, Кнол во последните години се посвети на музиката и изгради кариера како диџејка. Настапува во познати клубови на Ибица и во САД, а во пресрет на Светското првенство ја објави и песната „We Are The People“, инспирирана од фудбалската еуфорија што традиционално ја носи мундијалот.
