Едни од најпопуларните манекенки на денешницата, сестрите Џиџи (25) и Бела Хадид (23) се појавија во исто време на две насловни страници на францускиот „Вог“ во изданието мај/јуни 2020 година, што се случува единствен пат во историјата на магазинот.
Всушност, познатите сестри се појавија на дуплата насловна страна на новиот „Вог Париз“.
Нивната публика оддамна ги има прогласено за „најмодерните сестри на светот“ и поради тоа станаа одлични кандидатки за единствениот број на овој магазин, кој важи за „модната библија“.
Зборувајќи за тоа зошто го направиле, уредникот на францускиот „Вог“ Емануел Алт изјавил:
„Во оваа нестабила состојба, каде анксиозноста е зголемена, а непознатото царува, ова издание на „Вог Париз“ слави повеќе од било кога, тоа што го знаеме и сакаме“, напишал тој.
Бела на насловната страница носи бел, проѕирен фустан од пролетната колекција на „Диор“, додека на рацете и на ушите има златен накит и темна „смоуки“ шминка.
Од друга страна, нејзината сестра Џиџи носи златен „Долче и Габана“ Алт Мода фустан со реси од есенската колекција за 2020 година. Изгледот е потполнет со крупен накит и виолетова сенка на очите.
