По успешната турнеја низ Австралија, каде што беше одлично прифатен од македонската дијаспора, мултиинструменталистот Александар Ицов продолжува со нови музички проекти.
Деновиве Ицов го заврши снимањето на два нови видеоспота за своите најнови инструментални композиции – авторски ора изведени на хармоника и гајда. Видеозаписите се снимени на атрактивни локации во Грција, во соработка со Арт Студио продукција и Балкан Музик телевизија.
Во наредниот период следува и снимање на трет видеоспот во манастирскиот комплекс „Св. Георги Победоносец“ во селото Ораовица, Радовишко.
Новите инструментални дела и видеоспотовите ќе бидат промовирани на 29 јуни во Скопје. Настанот ќе има посебно значење бидејќи годинава Александар Ицов одбележува 10 години професионална музичка кариера.
Со секој нов проект, Ицов покажува дека македонската инструментална музика има силен идентитет, современ звук и светла иднина.
